🏸 EMOCIÓN E LOITA NA PENÚLTIMA XORNADA DA LIGA NACIONAL DE PRATA! 🔥💪

A terceira e penúltima xornada da Liga Nacional de Prata celebrouse en Villanueva de la Vera, cun gran protagonismo galego. Os dous equipos galegos, Escola Rosalía e Club del Mar, chegaban en postos de cabeza tras as dúas primeiras xornadas, ocupando o primeiro e segundo posto respectivamente. E non defraudaron!

🔹 Escola Rosalía mantivo a súa boa dinámica e conseguiu dúas importantes vitorias de tres posibles. No primeiro encontro, fronte a Cide, os rosalianos foron claros dominadores cun resultado de 6-1 a favor. No derbi galego contra o Club del Mar, vivíronse momentos de máxima tensión e igualdade, pero os coruñeses levaron a vitoria pola mínima cun 4-3. Finalmente, os vigueses pecharon a xornada cun emocionante 4-3 fronte a Benalmádena, asegurando puntos valiosos.

🔹 Pola súa banda, o Club del Mar protagonizou unha xornada perfecta, logrando un pleno de vitorias. Comezaron superando a Cura Mora por 5-2, seguiu a épica vitoria no derbi galego contra o Rosalía por 4-3 e, para rematar, venceron a Palma nun encontro moi disputado por 4-3. Sen dúbida, un rendemento excepcional para os coruñeses! 👏🔥

A falta da última xornada, onde se disputarán dous encontros clave, os equipos galegos ocupan o primeiro e segundo posto da táboa, con 3 puntos de vantaxe sobre o terceiro clasificado. Todo está por decidir, pero a ilusión e o soño do ascenso están máis vivos ca nunca! 💪🏆

🌟 Moita sorte na última xornada, seguimos soñando co ascenso! 🌟

#BádmintonGalego #LigaNacionalDePrata #XuntaDeGalicia #DeporteGalego #EscolaRosalía #ClubDelMar 🏸💙