O máis alto nivel do bádminton galego, atópase no Centro Galego de Tecnificación Deportiva situado en Pontevedra. Alí, os volantistas adestran ás ordes de Rafael Vázquez e todo o seu equipo. Podemos definilo como o lugar perfecto para a práctica do deporte de alto nivel xa que conta cun centro de estudos especializado a adaptado para todos os deportistas. 

 

Neste centro bríndanse as condicións adecuadas para a bóa preparación física dos deportistas e conta coas mellores instalacións. Ximnasio, piscina, sauna, vestuarios, comedor, lavandería e sala de xogos, son as áreas máis destacadas que permiten que os internos poidan preocuparse polo deporte sen deixar de lado os seus estudos.