Medallas e bo xogo no Máster N1-N4 Sub13 en San Lorenzo de El Escorial 🥇🥈🥉

Federación Gallega de Badminton
17 abr
1 Min. de lectura

Este pasado fin de semana celebrouse o Máster N1-N4 Sub-13 en San Lorenzo de El Escorial, un evento que reuniu a mozos talentos do bádminton nacional. Ata alí desprazáronse numerosos xogadores e xogadoras galegas con ganas de sumar experiencia, puntos e, por suposto, medallas… e non tardaron en chegar os bos resultados! 🙌

🔥 No Máster N1, Álvaro Gómez protagonizou unha competición espectacular quedando subcampión en individual masculino, rozando o ouro tras unha brillante traxectoria no torneo. Ademais, xunto a Gael Fernández, conseguiu outra medalla de prata en dobres masculinos, confirmando o excelente traballo que están a facer nos adestramentos. Dúas pratas que saben a futuro prometedor! 🥈🥈

🥇🥈 En dobres mixto, as irmás Lemos foron as grandes protagonistas do podio.

Eva Lemos, xunto a Álvaro López, acadou o ouro nun torneo impecable.
A súa irmá Inés, formando parella con Eneko Rodríguez, conseguiu unha merecida prata, completando un dobrete de auténtico mérito que confirma o gran nivel da canteira galega. 👏

✨ No Máster N4, Suevia García destacou cun bronce en individual feminino, demostrando a súa evolución e bo momento de forma. Pero non quedou aí: en dobres mixto, fixo parella con Pablo Fernández e xuntos coroáronse campións, colgándose o ouro ao pescozo tras unha actuación sólida e chea de carácter. 🥇🥉

🏸 Unha vez máis, Galicia estivo presente con forza, talento e compromiso. Noraboa a todos os participantes galegos que competiron nesta proba e seguiron deixando o listón ben alto.

Seguimos traballando e soñando! 💪