🥇 O bádminton galego fai historia no Campionato de España Absoluto e ParabádmintoN

Galicia regresa de Castela-A Mancha cun balance histórico de 12 medallas no Campionato de España Absoluto e Parabádminton, nunha edición que destaca especialmente polos brillantes resultados nas modalidades de dobres, reflexo do gran traballo que se está a realizar na nosa comunidade. Este éxito reafirma o bo momento do bádminton galego, cunha xeración de xogadores e xogadoras que continúa a medrar e a competir ao máximo nivel. Seguimos confiando no proceso e na formación de novos volantistas, convencidos de que o futuro do noso deporte segue avanzando con forza cara ao máis alto. 🏸💪🥇

Entre os logros máis destacados brilla o dobre campionato de Lucía Rodríguez, que conseguiu o ouro en dobre feminino xunto a Clara Arzurmendi e tamén en dobre mixto con Rubén García. Un doblete histórico 🥇🥇 que premia o intenso traballo destes meses e a súa excelente progresión.

Tamén tiveron unha actuación destacada Rodrigo Sanjurjo e Nikol Carulla, que acadaron a prata en dobre masculino e dobre feminino, respectivamente, e compartiron un bronce en dobre mixto. Resultados que confirman o seu alto nivel competitivo nunha edición esixente e con gran participación.

Os irmáns Fernández, logo dunha tempada marcada polas lesións, lograron un bronce moi especial en dobre masculino, pechando o curso cunha recompensa merecida e deixando un gran sabor de boca para o futuro.

No apartado de parabádminton, tamén houbo auténticas fazañas:

🏆 Manuel García proclamouse campión de España en individual masculino SU5, demostrando o seu dominio na categoría.

🥈 Daniel García e Carlos Vázquez (Club Athlos) acadaron a segunda e cuarta posición en individual SL4.

🥈 Ignacio Fernández logrou a prata en WH1-WH2 individual.

🥇 Manuel García e Pablo Serrano proclamáronse campións de España en dobres SL3-SL4-SU5-SH6.

🥇 Ignacio Fernández e Francisco Motero fixeron o propio en dobres WH1-WH2.

🥈 E novamente, Manuel García acadou a prata en dobres mixtos SL3-SL4-SU5-SH6 xunto a Bolaji Mariam.

📢 Parabéns a todos e a todas, non só polos magníficos resultados, senón pola actitude, esforzo e compromiso que amosades en cada competición. Galicia continúa sendo referencia nacional tamén nas categorías absolutas e de parabádminton.

Seguimos deixando o nome do bádminton galego ben alto, sumando éxitos e consolidando un proxecto sólido e cheo de talento. 💙🏸

#BadmintonGalego #EspañaAbsoluto2025 #ParabadmintonEspaña #DeporteGalego #OrgulloGalego #SeguimosSumando #XuntaDeGalicia #VolantistasGalegos #BádmintonInclusivo #GaliciaEnXogo 🏸🥇🥈🥉💪🇪🇸